منتديات القلب الذهبى


 
الرئيسيةاليوميةس .و .جبحـثالتسجيلدخول

شاطر | 
 

 نكت هههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Lover
..::مدير ومؤسس المنتدى::..
..::مدير ومؤسس المنتدى::..
avatar

ذكر
عدد الرسائل : 370
العمر : 24
الدوله : Egypt
الوظيفه/الهوايه : Acomputer Engineer
المزاج : Perfect
عدد النقاط : 33
تاريخ التسجيل : 11/01/2008

مُساهمةموضوع: نكت هههههههه   الإثنين يناير 14, 2008 4:46 am

"مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك



مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.

واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى"



"شحات بيكلم بنت تخينه قوى ، وبيقول لها : أرجوكى انا بقالى يومين ماكلتش لقمة عيش واحدة ...ردت البنت: أنا بحسدك على إرادتك ، مين الدكتور اللى بتعمل عنده الرجيم الهائل ده ؟

مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!

واحد كسلان جداً ...بيقول لصاحبه : مش انا اشتغلت . قال له مبروك اشتغلت فين ؟؟ قال له في مطبعه... اقعد علي الورق علشان ما يطرش"


"مرة واحد حب يطور الطيارة الهليكوبتر ركب بدل المروحة تكييف

واحد قال لابنه روح شو ف النتيجة ولو نجحت هذبح لك خروف... لما رجع قاله عملت ايه يا ابنى قاله الخروف اتكتبله عمر جديد....


واحد فافى وهو نازل من البيت أمه سالته رايح فين؟ فقال لها مش هقولك انا حر ، نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت



زوجة ماشية فى عزاء جوزها وعمالة تصوت وتقول يا حبيبى يا جوزى .....واتنين رجاله ماشيين شايفنها، واحد بيقول للتانى ياسلام شايف الست دى بتحب جوزها قد ايه!! قاله ياراجل انت بتصدق الحاجات دى ، طب استنى هاوريك وراح ورا الست وقال.....ياجميل يا عسل أخ لو تقولى ساكن فين أتجوزك بعد الأربعين على طول ؟؟ ..الست ردت : يا حبيبى ياجوزى يالى مسكنى فى مساكن الروضة عمارة 37 تانى شقة على اليمين


واحد مصطول ركب العربية بالليل و لقى الدركسيون و الفرامل مسروقين ... فراح القسم وعمل محضر سرقة ... تانى يوم الصبح راح لاغى المحضر ليه؟؟؟؟؟؟؟؟ إكتشف انه كان راكب ورا
هههههههههههههههههههه


واحد عنده مزرعة ارانب ، وجاره عنده مزرعة جزر ....كل يوم الارانب تروح تاكل الجزر ، فراح يشتكي صاحب مزرعه الارانب... فقالوا معلش مش هتحصل تانى ......، تانى يوم حصل نفس الموضوع ... ثالث يوم الراجل اتخنق ، راح مسك الارانب و كسر لهم اسنانهم..... اليوم اللى بعده ملقاش الجزر برضه ....فراح للارانب قال لهم عملتوا في الجزر ايه وسنانكم مكسره ؟؟؟؟؟ قالولوا عملناه عشيييييييييييييييييييير



طفل من الهنود الحمر سأل أبوه
بابا أحنا ليه كل أسامينا طويلة ومعقدة ومركبة من كلمات كتيرة كده ؟
الأب: يا حبيبي دي عادة عندنا من قديم الازل لما يتولد لينا طفل نسمي أسمه على أول
مشهد تقع عنينا عليه
مثلا اختك الكبيرة لما اتولدت دخلت الخيمة لقيتها مولودة زي القمر طلعت من
الخيمة شفت مشهد الشمس المشرقة المطلة بين السحب الكثيفة فقررنا نسميها
"الشمس المشرقة المطلة بين السحب الكثيفة"
أخوك الوسطاني لما أتولد دخلت عليه الخيمة شفته مولود زي القمر طلعت من الخيمة
لقيت مشهد الامطار الغزيرة وسط البرق اللامع فقررنا نسميه
"الامطار الغزيرة وسط البرق اللامع "
دي عادة قبائلنا طوال الازل
ثم أنت ايه اللي مزعلك يا " كلبين بيناموا جنب الخيمة"؟؟

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://ourheart.in-goo.net
 
نكت هههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات القلب الذهبى :: الألعاب :: لو مدايق أدخل وفرفش-
انتقل الى: